((( صيت المراجل )))
تعزويت الرجال اللي لهم صيت المراجل دار
وثوّرت القصايد في أثر شوقي لحزن داره
هذاك الهم لا منّه تزايد غم وصار كثار
تناثر دم من حزني وأشوف الموت بإعصاره
أخوي اللي سجنّه الطيب وصار لمدّته أنظار
خياله ما يفارقني وصوت الحزن لا ثاره
عزيز النفس وشموخه تعدّت فوق مثل النار
إلى منّه عسف ليله تزايد صبحه بغباره
شجاع ولا به أي نقصان حكيم الفكر يعز الجار
فعايل جّدي يوم كليب خذا مرجلته بإصراره
أشوفه بين رجال كثار وأعرفه لا جزم بإصرار
يسوق الطيب من حزنه يمين شمال مع غاره
فقدته من سنين طوال عسى يومه يشع أنوار
قدر فرقنا يا ربي أبد لا أشوف تكراره
عسى تجمعنا في يوم(ن) على طيب الوفا بأمطار
وتشعل بسمه وفرحه وتطفي الحزن مع ناره .
شــعــــر / محسن المطيره
ليست هناك تعليقات:
إرسال تعليق