مركب الموت ...! لــ محسن المطيره

(( مركب الموت  ))

مر الزمان ومركب الموت ساري 
حكمه وربّي راسمك في قـدرهـــا 

سمعت أنا من حلق الأيـام طــاري 
نار(ن) تشب بداخلي من خبرهـــا 

أصبح ظلام الكون قفّى نـهــــاري 
لبس القدر غطـاك يا أغلى بشرها 

مرحوم المطيره على الطيب ضاري
طبع الكرم من ساس نسلك خـبــرها 

ياللي يتامى تحت ظـلــّـك تــــذاري 
رعد المراجل صوّرك واحتكـرها 

هذا وربّي يسكنك مع حــــواري 
داخل جنان الخلد تشرب نهرهــا 

شـعـــر / محسن المطيره 

الطريق الوعر لــ محسن المطيره

!!! الطريق الوعر !!! 


طبعت القاف في فكري وصوّرت الوزن تصوير
وجبت أحلى حروف الكون ألملمها على شانــــك

مسكت الليل في عيني ونفخت الصبح لجل يطير
سهرت ألاعب الهوجاس وأداعب فيك أوجانك

أبنهض وأنتهض لجلك أبي كل البشر والغير
يحسون ويشوفون ويعرفون الوفا صانك

وأبي من لا عرف قدرك يعرفه لحظة التنوير
عشان إليا حكا يحكي بلسان يعادل لسانك

أنا جيت أنثر شعوري وأدوّن بالكتب تعبير
أبي من هو بحث بالعشق يتلذذ بعنوانك

حبيبي اترك الدنيا أنا لك وش تبيه يصير
وأنا هم بايع الدنيا وشاري غفوة أحضانك

أبيك تشوفني ضيّك إذا كنت بظلام تســـيــر
وأنا أمشي بالطريق الوعر أنسى الخوف من شانك

يا قلبي اقهر العذّال واحرق جوفهم تحقير
تدلّع وإلعب بكيفك وزيد بنار حقرانك

أبيك وما أبي غيرك وأدعي لك تعيش بخير
وأنا أدري هم تبي لي الخير نام وريّح أعيانك

شــعـــر / محسن المطيره 

صيت المراجل لـ محسن المطيره

((( صيت المراجل ))) 


تعزويت الرجال اللي لهم صيت المراجل دار
وثوّرت القصايد في أثر شوقي لحزن داره

هذاك الهم لا منّه تزايد غم وصار كثار
تناثر دم من حزني وأشوف الموت بإعصاره

أخوي اللي سجنّه الطيب وصار لمدّته أنظار
خياله ما يفارقني وصوت الحزن لا ثاره

عزيز النفس وشموخه تعدّت فوق مثل النار
إلى منّه عسف ليله تزايد صبحه بغباره

شجاع ولا به أي نقصان حكيم الفكر يعز الجار
فعايل جّدي يوم كليب خذا مرجلته بإصراره

أشوفه بين رجال كثار وأعرفه لا جزم بإصرار
يسوق الطيب من حزنه يمين شمال مع غاره

فقدته من سنين طوال عسى يومه يشع أنوار
قدر فرقنا يا ربي أبد لا أشوف تكراره

عسى تجمعنا في يوم(ن) على طيب الوفا بأمطار
وتشعل بسمه وفرحه وتطفي الحزن مع ناره .


شــعــــر /  محسن المطيره 

مهم جداً ,,, إنتبه من وضع حسابك في جميع الأجهزة بوجود خدمة

إنتبه !!!

من وضع حسابك في جميع الأجهزة بوجود خدمة /

لمشاهدة الفيديو

اضــــغــــــط هــــــنـــــــــا


ملاحظة مهمة : المقطع هذا لمن لا يعرف ما يحصل او غير مهتم بما يحصل ان صح التعبير , اما المتقدمين في المعرفة فالمقطع بالنسبة لهم يعتبر شيء بديهي بطبيعة الحال صحيح؟


وشكراً للمتابعة الجميلة والحضور الاجمل .